Madaxweynaha Cusub Ee Puntland Oo Soo Saaray Amaro Cusub

Madaxweynaha cusub ee maamulka Puntland Saciid Cabdullaahi Deni ayaa amray in aysan wax heshiis ah geli karin Wasiirada xilka sii haya ee xukuumadii C/wali Gaas.

Deni ayaa sidoo kale wasiiradan ku amray in aysan cidna xil u magacaabi karin, sidaas si lamid ahna aynan dalacsiin karin shaqaalaha kala duwan ee maamulka Puntland.

Qoraal ka soo baxay xafiiska Madaxweynaha Puntland oo ku qornaa luuqada English-ka ayaa waxaa kaloo lagu hakiyay heshiisyada xukuumadii hore ay kula jirtay  Qaramada Midoobay iyo dowladda federaalka Soomaaliya, si looga fogaado wax is-daba marin.

Amaradan cusub ee maanta uu soo saaray Madaxweynaha cusub ee Puntland Saciid Deni ayaa waxaa ka horeeyay amaro dhawr ah oo iyana u muuqday in lagaga fogaanayo musuq iyo wax is-dabamarin.

Author: STN News

Leave a Reply

Your email address will not be published. Required fields are marked *